Ermenistan Respublikasynyň Premýer-ministri Nikol Paşinýan Türkmenistanyň Prezidenti Serdar Berdimuhamedowa iberen Täze ýyl gutlagynda Ýerewan bilen Aşgabadyň arasyndaky gatnaşyklaryň mundan beýläk-de ösdüriljekdigine we pugtalandyryljakdygyna ynam bildirdi.
«Ýetip gelen 2026-njy ýylda Ermenistan Respublikasy bilen Türkmenistanyň arasyndaky özara ynanyşmaga we hormat goýmaga esaslanýan gatnaşyklaryň has-da ösdüriljekdigine, ýurtlarymyzyň arasyndaky hyzmatdaşlyk üçin täze mümkinçilikleriň açyljakdygyna ynanýaryn» diýlip, N.Paşinýanyň gutlagynda bellenilýär. Gutlag dolulygyna TDH-niň saýtynda çap edildi.
Gutlagyň ahyrynda Ermenistanyň Premýer-ministri Türkmenistanyň Prezidentine berk jan saglyk, täze üstünlikleri, Türkmenistanyň dostlukly halkyna bolsa parahatçylyk, gülläp ösüş arzuw edýär.
