Türkmenistanyň hokkeý boýunça ýygyndysy Harbinde geçýän 9-njy gyşky Aziýa oýunlarynyň toparçalaýyn tapgyrynyň birinji oýnunda Hytaýyň Makaosynyň toparyny uly hasap bilen ýeňmegi başardy. Duşuşyk 26:0 (6:0, 5:0, 15:0) hasaby bilen tamamlandy.
Türkmenistanyň ýygyndysynyň düzüminde şaýbalary derwezeden Baýmyrat Baýmyradow (5), Begenç Döwletmyradow (4), Ahmet Gurbanow (2), Döwrangeldi Baýjaýew (2), Amangeldi Aganyýazow (2), Arslan Nuryýew (2), Nowruz Baýhanow (2), Nazar Orazow (2), Serdar Durdyýew, Serdar Kakajanow, Arslan Geldimyradow, Musa Annasaparow we Gurbanmyrat Taňňyýew geçirdi.
6-njy fewralda «C» toparynyň ikinji tapgyrynda Türkmenistanyň milli ýygyndysy Hindistanyň topary bilen duşuşar, 9-njy fewralda bolsa toparçalaýyn tapgyry Hytaýyň Gonkongynyň ýygyndysyna garşy çykyş etmek bilen tamamlar
Gonkongyň ýygyndysynyň toparçalaýyn tapgyrda iki gezek ýeňiş gazanandygyny bellemelidiris. Olar Makaonyň ýygyndysyny – 26:1 we Hindistanyň ýygyndysyny – 30:0 hasaby bilen ýeňdiler.
Gyşky Aziýa oýunlarynyň hokkeý boýunça erkekleriň arasyndaky ýaryşyň çärýek final duşuşyklary 11-nji fewralda geçiriler.
